Rita Ora u sigurua të tërhiqte vëmendjen teksa doli në skenë për performancën e saj të shumëpritur në ‘Eurovision 2023’ të martën.

Këngëtarja 32 vjeçe, bëri një shfaqje shumë energjike teksa performoi një potpuri të hiteve të saj më të mëdha në “M&S Bank Arena” të Liverpoolit për gjysmëfinalen e parë të Eurovisionit.

Rita performoi këngën e saj të re “Praising You” për herë të parë live në ngjarjen e shumëpritur në një performancë spektakolare së bashku me 54 kërcimtarë, shkruan DailyMail.

Ajo kishte veshur një korse të zezë me një palë sytjena në formë koni dhe pantallona, të cilat i bashkoi me çizme me lidhëse me taka.

Interpretuesja e hitit “Hot Right Now” tregoi figurën e saj të pabesueshme të trupit në veshjen mahnitëse..

Rita gjithashtu kishte veshur një fund të madh që i rridhte pas saj, përpara se më vonë të largonte atë pjesë të veshjes, për të kërcyerlirshëm.

Ajo i la flokët e saj kaçurrela të binin të lirshme mbi shpatullat e saj dhe e forcoi bukurinë e saj natyrale me një makijazh magjepsës.

Rita u pa duke perfeksionuar një sërë lëvizjesh të vrazhda së bashku me kërcimtarët e saj.

Në një postim prekës, Rita shpjegoi se asaj do t’i bashkohej në skenë balerina dhe refugjatja ukrainase Sofiia Kladko, 12 vjeçe, për performancën e saj.

Ajo publikoi paraprakisht një fotografi të saj në prapaskenë me balerinën, i cili jeton në Warrington që nga viti 2022.

Krahas fotografisë, ajo shkroi: “Kjo është Sofia – një kërcimtare dhe refugjate nga Rivne, në veriperëndim të Kievit. Ajo jeton në Warrington që nga viti 2022”.

“Për mua, Sofia përfaqëson forcën dhe shpresën në këto kohë të trazuara, tragjike dhe të ndryshueshme”.

“Ne nuk duhet të harrojmë privilegjin që ka Mbretëria e Bashkuar për të luajtur rolin e saj si komb pritës në ‘Eurovision 2023’ për Ukrainën pasi Orkestra Kalush fitoi konkursin vitin e kaluar”.

“Gjendja e familjes së Sofias më kujton udhëtimin e jashtëzakonshëm nëpër të cilin kaloi familja ime kur isha në moshën e saj dhe se si do t’i jem përgjithmonë mirënjohës Mbretërisë së Bashkuar që na tregoi mirësi dhe dhembshuri”.

“Sofia hap performancën time këtë mbrëmje duke luajtur me një top, që përfaqëson humbjen e fëmijërisë për këta refugjatë të varfër”.

“Shpresoj që ky konkurs i mrekullueshëm i këngës të hapë zemrat në të gjithë Evropën dhe botën. Të duam Ukrainë, të gjithë do të performojmë sonte, për ty”, tha Rita.