Të paktën 14 njerëz dyshohet se kanë ndërruar jetë në një shtëpi kujdesi në ishullin jugor të Japonisë, Kyushu, pasi reshjet e shiut shkaktuan rrëshitje të dheut dhe përmbytje masive.

Sipas mediave të huaja, lidhur me këtë rast dhjetëra mijëra njerëz u evakuuan nga zona.

Ndërkohë, kryeministri, Shinzo Abe, urdhëroi vendosjen e 10 mijë trupave, për t’ju bashkuar ekipeve të shpëtimit.

Sipas parashikimeve, shiu do të vazhdojë deri të dielën, ndërsa Abe u kërkoi njerëzve të qëndrojnë në gjendje gatishmërie.

Në mesin e 14 të vdekurve, dy prej tyre dyshohet të kenë ndërruar jetë nga një rrëshitje dheu në qytetin e Tsunagi.