Plagosje me thikë në Tiranë, sulmohet një 55 vjeçar

Një konflikt për motive të dobëta ka përfunduar me plagosjen e një 55-vjeçari mëngjesin e kësaj të enjteje në vendin e quajtur “Nisharaku”.

Sipas informacioneve paraprake, rreth orës 07:40, shtetasi E. N., 48 vjeç, dyshohet se ka goditur me mjet prerës shtetasin A. M., 55 vjeç, pas një konflikti mes tyre, shkruan Euronews.al.

I plagosuri është transportuar menjëherë në spital, ku po merr ndihmë mjekësore dhe ndodhet nën kujdesin e mjekëve.

Ndërkohë, shërbimet e Policisë kanë shpallur në kërkim autorin e dyshuar dhe po vijojnë kontrollet në zonë për kapjen e tij.

Grupi hetimor ndodhet në vendngjarje dhe po kryen veprimet procedurale për zbardhjen e plotë të rrethanave të ngjarjes.