Me rastin e festave të fundvitit, Policia e Kosovës u ka bërë thirrje qytetarëve që të shmangin përdorimin e mjeteve piroteknike të rrezikshme, të respektojnë rregullat e qarkullimit rrugor dhe të mos drejtojnë automjetet nën ndikimin e alkoolit, raporton Ekonomia Online.

Autoritetet kërkojnë kujdes të shtuar për sigurinë personale dhe atë publike gjatë periudhës festive. “Le të jenë këto ditë reflektimi, harmonie dhe gëzimi për të gjithë juve dhe familjet tuaja”, thuhet në njoftimin e Policisë.

Policia e Kosovës thotë se mbetet e përkushtuar që të ofrojë siguri dhe rend publik, duke qenë gjithmonë pranë jush.

“Ju inkurajojmë të festoni me kujdes dhe respekt për njëri-tjetrin. Kujdesuni për sigurinë tuaj, shmangni përdorimin e mjeteve të rrezikshme piroteknike, respektoni rregullat e qarkullimit rrugor dhe mos drejtoni automjetin nën ndikim të alkoolit”, thuhet në njoftim.