Policia e Kosovës, përkatësisht Drejtoria për Hetimin e Trafikimit me Qenie Njerëzore, pas hetimeve konsistente sot në Prizren ka zhvilluar një operacion të suksesshëm policor me ç’rast ka arrestuar personin e dyshuar R. K. (1973) shqiptar/kosovar nën dyshimin për kryerjen e veprës penale “Trafikim me Njerëz” nga neni 171 i Kodit Penal të Republikës së Kosovës.
Pas realizimit të procedurave të intervistimit, lidhur me rastin është njoftuar Prokurori i Shtetit pranë Prokurorisë Themelore – Departamenti për krime të rënda në Prizren, dhe me vendim të tij i dyshuari ndalohet për 48 orë, për procedura të mëtejme ligjore.