Policia e Kosovës, që nga paraqitja e rasteve të para me COVID19, ka hartuar dhe zbatuar planin operativ ku parashihen masa konkrete policore për parandalim të përhapjes së pandemisë.

Ky plan ka pësuar ndryshime varësisht prej vendimeve të institucioneve dhe me masat antiCOVID që janë ndërmarrë.

Policia e Kosovës njofton se me marrjen e masave të reja nga Qeveria, do të angazhohet në zbatim të vendimit dhe detyrave që bien në fushë-veprimin e policisë.

“Andaj, kërkojmë nga të gjithë qytetarët që të zbatojnë masat në të mirë të shëndetit publik në mënyrë që të gjithë së bashku ta kalojmë sa më lehtë edhe këtë valë”, thuhet në njoftimin e PK-së.

Policia thekson se do të vazhdojë aktivitetet policore dhe ndërmarrjen e masave ndëshkuese ndaj atyre që nuk zbatojnë masat.