Kryeministri në detyrë, Ramush Haradinaj, ka folur për një televizion nga Shqipëria lidhur me padinë për shpifje që shtroi ndaj tij kryeministri shqiptar, Edi Rama.
Haradinaj thotë se padia ishte e papritur.
‘’Padia ndaj meje ishte përtej parshikimeve të mia. Nuk e kam lexu shkresën e tij, e di se cka e ka shty. Çdo deklaratë që e kam bërë, është e saktë dhe u qëndroj mbrapa. Ka edhe më shumë, por e kam kursy kombin. Di ende detaje rreth angazhimit të tij”, ka thënë Haradinaj, në emisionin “Çim Peka Live”.
‘’Përvoja ime me Ramën ka qenë jo e mirë’’.
Kujtojmë që Rama e kishte paditur Haradinajn për shpifje, pasi ky i fundii e kishte akuzuar se bashkë me Hashim Thaçin dhe Aleksandër Vuçiq duan ta ndajnë Kosovën.