Në mes të gjithë vorbullës së lajmeve se Princ Leka ka nisur lidhjen me një fotografe, vetë Princi publikon në InstaStory një aparat fotografik.

Ky mesazh nga Leka është marrë nga ndjekësit si një konfirmim i lidhjes me fotografen 25-vjeçare.

Kujtojmë se Princ Leka dhe aktorja Elia Zaharia kanë zënë titujt kryesorë të mediave pas zbulimit se i kanë dhënë fund martesës.

Leka dhe Elia janë në proces divorci, por ende pa përfunduar me procedurat Princit iu zbulua lidhja e re e dashurisë me një fotografe e cila është kujdesur të kurojë në detaje edhe profilin në rrjetet sociale të tij. Po thuhet se Princi aktualisht është në një marrëdhënie të re me një fotografe, të quajtur Blerta Celibashi.

Fotot profesionale janë shtuar, por jo vetëm kaq, duket se fotografja ka rikthyer edhe buzëqeshjen në portretin e Lekës.

Princi bën “tag” në secilën foto që është shkrepur nga profesionistja Blerta Celibashi.