Princi Charles i ka dhënë fund vetizolimit një javë pasi ishte diagnostikuar me coronavirus.

Princi 71-vjeçar kishte simptoma të lehta të coronavirusit dhe tashmë po qëndron së bashku me bashkëshorten Camilla, e cili kishte dalë negative në teste, shkruan “Daily Mail”, transmeton Express.

Zëdhënësi i princit tha: “Pas konsultës me mjekun e vet, princi i Uellsit tashmë ka dalë nga vetizolimi.” Ai shtoi se vetizolimi i figurës së njohur zgjati shtatë ditë dhe ishte në përputhje me udhëzimet e qeverisë dhe institucioneve shëndetësore.

Ndryshe, Britania e Madhe është një ndër vendet më të prekura nga coronavirusi në Evropë. Atje janë konfirmuar mbi 19 mijë raste të infektimeve dhe 1228 njerëz kanë vdekur.

Princi Charles më parë e ka vizituar Kosovën, me ç’rast është takuar me zyrtarët më të lartë shtetërorë të vendit tonë.