Grupi Parlamentar i Lidhjes Demokratike të Kosovës do të organizojë tryezë diskutimi lidhur me Projekt-buxhetin për vitin 2024.
Sipas deputetit të kësaj partie, Avdullah Hoti, kjo tryezë mbahet nesër në orën 14:00, në Kuvendin e Kosovës dhe të ftuar janë odat ekonomike, sindikatat, shoqëria civile dhe ekspertë të ekonomisë.
Hoti ka thënë se me buxhetin e vitit 2024, “kjo qeveri ka menaxhuar katër buxhete vjetore, në vlerë prej mbi 11 miliardë euro dhe nuk lanë asnjë shenjë në ekonomi”.