Prokuroria po heton nëse janë futur vaksina anti-Covid në veri nëpërmjet rrugëve ilegale

Prishtinë | 20 Jan 2021 | 15:02 | Nga Ekonomia Online

Prokuroria Themelore e Mitroviës ka thënë se është duke mbledh informacione për të vlerësuar nëse vaksinat anti-Covid janë sjellë në pjesën veriore të Kosovës, si dhe nëse importimi i tyre është bërë në pajtim me protokollet përkatëse për mbrojtjen e shëndetit publik dhe kërkesat ligjore që rregullojnë këtë çështje.

“Pas informacioneve të pranuara dhe raporteve në media lidhur me futjen potenciale të vaksinave anti-Covid në pjesën veriore të Kosovës pa përfillur dispozitat e zbatueshme ligjore, Prokuroria Themelore në Mitrovicë, në bashkëpunim të ngushtë me policinë, janë duke mbledhur informacione për të vlerësuar nëse vaksinat janë sjellë në Kosovë, si dhe nëse importimi i tyre është bërë në pajtim me protokollet përkatëse për mbrojtjen e shëndetit publik dhe kërkesat ligjore që rregullojnë këto çështje. Ne sigurojmë publikun se mbetemi syhapur në zbulimin, hetimin dhe ndjekjen e veprimeve të kundërligjshme që mund të rrezikojnë shëndetin dhe sigurinë publike, si dhe mbetemi të përkushtuar që të sigurojmë që askush të mos shfrytëzojë situatën e krijuar si rezultat i pandemisë gjatë kësaj kohe kritike”, thuhet nga Prokuroria Themelore e Mitrovicës.

Fjalë Kryesore:

Të ngjashme