Prokuroria Speciale e Kosovës (PSRK) nuk ka informacione për të dyshuar që kanë kërcënuar këtë institucion dhe Këshillin Gjyqësor të Kosovës për sulm me mjet shpërthyes, raporton Ekonomia Online.

Zëdhënësi i Prokurorisë Speciale Ekrem Lutfiu, tha se kërcënimi është bërë përmes telefonit në Këshillin Gjyqësor të Kosovës (KGjK).

“Sot në Këshillin Gjyqësor të Kosovës kanë pranuar një telefonatë ku kanë marrë një kërcënim që është bë konkretisht për Këshillin Gjyqësor të Kosovës, në atë telefonatë realisht kanë thënë që Këshillin Gjyqësor edhe gjykatën Speciale, po tu e pas parasysh që në Kosovë nuk ka Gjykatë Speciale ne në PSRK e kemi marrë këtë se mund të ketë të bëjnë me Prokurorinë Speciale”.

“Me të marrë informatën i gjithë stafi është evakuuar për shkak të sigurisë së tyre dhe tani jemi duke pritur rezultatet që do të dalin prej vendit të ngjarjes”.

“Për momenti nuk kemi informata të tjera dhe derisa të dalim me një raport prej policës bashkë edhe me prokurorinë atëherë do të informojmë gjithë opinionin lidhur me këtë shqetësim që ka ndodhur sot>.
Një telefonatë kërcënuese që pretendohet ta ketë marr roja i sigurimit në Këshillin Gjyqësor të Kosovës (KGJK), dhe dyshimet për vendosjen e një mjeti të dyshimtë.

Drejtori i Sekretariatit të KGJK-së, Shkelzen Maliqi, u ka thënë anëtarëve të këshillit dhe stafit tjetër që të dalin jashtë, pas dyshimeve të tilla.

Krejt kjo, siç u ka thënë ai anëtarëve të KGJK-së, se roja i sigurimit ka marr një telefonatë kërcënuese se “juve dhe Gjykatën Speciale kanë me ju bo rrafsh me tokë”.

Major Shkëlzen Xhafa, komandant i stacionit “Qendër”, tha se Policia e Kosovës ka marrë informata për dy mjete shpërthyese në dy objekte në qendër të Prishtinës, raporton Ekonomia Online.

“Ju njoftojmë se rreth orës 10:30, stacioni policorë, qendra ka marrë një thirrje telefonike për një eksplozivë të mundshëm në dy ndërtesa në rrugën Luan Haradinaj po sa kemi marrë informatën stacioni policorë qendra ka dalë në vendin e ngjarjes i ka evokuar të gjithë njërit që kanë qëndruar brenda”.

“I kemi thirr të gjitha njësit relevante që merren me kësi raste kërcënimesh, për momentin jemi në procedim e sipër do të thotë të gjitha njësit relevante për këto kërcënime ne presim që njësit do ta kryejnë punën e veta dhe do të dalim në një deklaratë gjithëpërfshirës për të gjithë hapat që kemi ndërmarr deri tani”.

“Nuk persona të dyshuar është vetëm kërcënim përmes një telefonate”.