Është publikuar video e futbollistit të Villareal, Alex Baena, pasi u goditë me grusht mbrëmë nga mesfushori i Real Madrid, Federico Valverde, transmeton Gazeta Metro.

Televizioni ‘El Chiringuito’ ka publikuar një video ku Baena është duke shkuar në autobusin e ekipit pas incidentit që pati me uruguaianin. Siç mund të shihet ai e ka mollëzën e fryrë pas grushtit të Fede Valverde.

E gjithë kjo përleshje mendohet se ka ardhur nga ndeshja e fundit në janar mes Villareal dhe Real Madrid në Kupën e Mbretit.”Në ndeshjen e Copa del Rey, Baena e goditi Feden dhe i tha: ‘Qaj tani, se djali yt nuk do të lind’.

Kjo mbeti aty, por sot ai tha diçka të ngjashme me të dhe Fede u nxeh… dhe i tha të mos ngatërrohet me familjen dhe ndodhi ajo që ndodhi,” i kanë thënë Marcas burimet pranë Valverdes.

Kujtojmë që në fillim të vitit bashkëshortja e 24 vjeçarit, Mina Bonino, ishte pranë humbjes së fëmijës së dytë, mirëpo tashmë gjithçka është në rregull.

Ndryshe, ndeshja mes Real Madrid dhe Villareal e zhvilluar mbrëmë në ‘Santiago Bernabeu’ përfundoi me fitoren e ‘Nëndetëses së Verdhë’ me rezultat 2-3.

🚨 EXCLUSIVA @elchiringuitotv 🚨

😱 Alex Baena, con el pómulo hinchado tras el puñetazo de Fede Valverde.

📹 @pablopatinho7 pic.twitter.com/DkNkcPOWpv

— El Chiringuito TV (@elchiringuitotv) April 9, 2023