Rusët e shpallur për tradhti tani do të dënohen me burgim të përjetshëm pasi presidenti rus Vladimir Putin nënshkroi një dekret zyrtar për rritjen e dënimit maksimal.

Vendimi, që është pjesë e një përpjekjeje për të shtypur mospajtimin që nga fillimi i luftës në Ukrainë, u postua në faqen e internetit të Kremlinit dhe rrit dënimet për tradhti, terrorizëm dhe ndihmën për punën e organizatave ndërkombëtare.

Ligjvënësit kishin votuar tashmë për të rritur dënimin për tradhti deri në përjetësi, nga 20 vjet sa ishte më parë, raporton Sky News.

Siç raportohet, ligjvënësit miratuan gjithashtu ngritjen e dënimit maksimal për kryerjen e “një akti terrorist” – i përcaktuar si një vepër që rrezikonte jetë dhe kishte për qëllim destabilizimin e Rusisë – në 20 vjet, nga 15 vjet që është aktualisht.

Ata që shpallen fajtorë për sabotim mund të shkojnë në burg për 20 vjet, nga 15, ndërsa personat e dënuar për “terrorizëm ndërkombëtar” mund të dënohen me burgim të përjetshëm, nga 12 vjet.

Dekreti nuk shpjegon se çfarë nënkuptonte me “terrorizmin ndërkombëtar”.

Putin nënshkroi dekretin e ri në një kohë kur grupet e të drejtave thonë se autoritetet po shtojnë përpjekjet për të qetësuar zërat e paktë të opozitës që kanë mbetur.

Por Rusia thotë se ligje të tilla kërkohen për të mbrojtur vendin nga infiltrimi i Ukrainës dhe agjencive perëndimore të inteligjencës.