Deputeti i PDK-së, Rashit Qalaj ka thënë se kjo parti nuk lëviz nga qëndrimi për të kundërshtuar votimin e Albulena Haxhiut si kryetare e Kuvendit të Kosovës.

Para mediave ai tha se PDK-ja nuk merr pjesë në votim të fshehtë për shkak se sipas tij, është kundër kushtetues.

“Kandidatja e propozuar nuk do të kalojë. Me sa unë kam informacione, s’ka as iniciativa nga ata që duhet të marrin iniciativa. Nuk marrim pjesë në votim për shkak të një veprimi kundër kushtetues, qasja e qeverisë për imponimin e një votimi të fshehtë është në kundërshtim. Ne në vazhdimësi jemi duke marr pjesë në çdo incitiatv. Dhe kushdo që merr iniciativë do të jemi prezent, por asnjëherë nuk bëjmë veprim që është në kundërshtim me Republikën e Kosovës”.