Veteranët e Luftës së UÇK-së janë të zhgënjyer nga dorëheqja e prokurorit Elez Blakaj.

Këtë e tha përfaqësuesi i tyre, Xhevdet Blakaj, si i ftuar në emisionin Info Magazine në Klan Kosova.

“Ky është dështim i prokurorisë. Në rast se dikush i kërcënon dhe ata nuk arrijnë ta luftojnë të keqen, është dështim i tyre”.

“Veteranët janë të pakënaqur, ne kemi pasur shpresë tek ta dhe kemi bashkëpunuar me ta, por me këto lajme që i dëgjojmë tash po i humbim shpresat”.

“E ka pranuar atë detyrë dhe e ka obligim t’i qojë gjërat përpara”

“Kjo më shumë e dëmton sistemin e drejtësisë se kërcënohet një prokuror dhe nuk ndërhyjnë organet përkatëse, pra kjo e dëmton edhe imazhin e shtetit”.

“Këto ngjarje me listat në fjalë nuk ia zbehin kontributin UÇK-së, por kjo do ta forcojë imazhin e luftëtarëve. Ndoshta dikush duhet të dënohet, por ne kemi luftuar për ta ndërtuar këtë vend dhe jo për qëllime personale”.

Qeriqi tregoi se kujt ia adreson fajin për gjithë këto parregullsi.

“Komisioni qeveritar është përgjegjës për këto lëshime që janë bërë dhe hija e keqe i bie atyre dhe eprorëve që kanë marrë pjese në komision”.

“Ne kemi reaguar por nuk kemi ndonjë rol ne listat e tyre. Askush nuk na ka kërkuar asnjë dosje të invalidit. Komisioni është bazuar në bazë të aplikacioneve”, ka përfunduar Qeriqi.