Vendimin e Parlamentit gjerman për të hapur negociatat me Shqipërinë pasi të plotësohen 9 kushtet, zëvendëskryetari i LSI, Luan Rama e konsideron mesazh për reflektim në politikën shqiptare.“Nuk është koha për festë, po për reflektim të përgjegjshëm”, u shpreh Rama.

Luan Rama theksoi se duhet dialog politik dhe frymë bashkëpunimi për plotësimin e kushteve.

Ai u shpreh se LSI është e gatshme të ulet në tryezën e dialogut dhe të nisë “nga puna për të reflektuar me përgjegjshmëri në përmbushje të të gjitha kushteve dhe detyrimeve që t’i çelim udhë integrimit europian të Shqipërisë”, raporton Tch.