Kryeministri dhe kryetari i Partisë Socialiste, Edi Rama ka vendosur që të marrë mandatin e deputetit në Qarkun e Durrësit.

Rama kandidoi më 25 prill në Vlorë dhe Durrës duke qenë i renditur në vend të 8-të në listën e kandidatëve të PS në të dy qarqet.

Sot, përmes një letre drejtuar Komisionerit Shtetëror të Zgjedhjeve, kreu i PS ka zgjedhur që në Parlamentin e ri që do të konstituohet në shtator, të marrë mandatin në Qarkun e Durrësit.

PS në zgjedhjet e 25 prillit fitoi 8 mandate në Durrës dhe po aq dhe në Vlorë. Si vota preferenciale, në Durrës, Rama mori 15 871 vota. Ndërsa në Vlorë, vota preferenciale për të kryeministrin ishin 11 412.

Kreu i PS ka qenë deputet i Qarkut të Vlorës në dy mandate 2013-2017 dhe 2017-2021.

Përmes një reagimi, kryeministri Rama e lidh këtë vendim të tij me zhvillimin që Durrësi duhet të marrë gjatë mandatit të tretë qeverisës së PS-së.
“Vlora ishte, është dhe do jetë deri në fund në zemrën time, kështu që me mandat pa mandat, unë nga Vlora nuk ndahem as sot as mot, ndërkohë në mendjen time Durrësi është vendi ku Mandati i Tretë duhet të sjellë një hop të ri, jo vetëm për atë qytet po për krejt”, shkruan Rama në Twitter.

Kandidatët e PS në Qarkun Durrës:

1 Milva Ekonomi 3739

2 Alban Xhelili 2148

3 Jurgis çyrbja 6583

4 Klodiana Spahiu 2731

5 Ilir Ndraxhi 3556

6 Rrahman Rraja 7759

7 Lefter Koka 9609

8 Edi Rama 15871

9 Ana Dhamo 2031

10 Artan Bitri 767

11 Keida Bejaj 493

12 Arkend Balla 2463

13 Denis Deliu 2848

14 Klementina Meçi 948

15 Erjon Meka 2228

Kandidatët e PS në Qarkun Vlorë:

1 Pranvera Resulaj 2919

2 Anduel Tahiraj 2542

3 Vullnet Sinaj 5759

4 Anila Denaj 6428

5 Niko Kuri 4409

6 Ilir Metaj 3683

7 Damian Gjiknuri 6009

8 Edi Rama 11412

9 Teuta Ramaj 1738

10 Ervis Moçka 1329

11 Leonard Beqiri 966

12 Laura Ferati 1738