Ministri izraelit i Mbrojtjes Yoav Gallant tha të mërkurën se Izraeli nuk kërkon luftë, por “po përgatitet për të gjitha mundësitë”, raporton CNN, përcjell Gazeta Express.

Në komentet e publikuara nga zyra e tij, Gallant thuhet se është takuar me trupat që operojnë sistemin e mbrojtjes ajrore të Izraelit, Arrow dhe u ka thënë atyre: “Operacioni në Bejrut ishte i saktë dhe profesional. Ne nuk kërkojmë luftë, por po përgatitemi për të gjitha mundësitë. Si të tillë, ju duhet të përgatiteni në përputhje me rrethanat, ndërsa ne bëjmë punën tonë në nivelet më të larta”.

Izraeli e ka marrë përgjegjësinë për një sulm në Bejrut nga i cili u tha se vdiq lideri ushtarak i Hezbollahut, Fu’ad Shukr, por as s’e ka pranuar dhe as s’e ka mohuar vrasjen e liderit politik të Hamasit, Ismail Haniyeh në Teheran.