Ato treguan sensin e tyre të patëmetë të modës javën e kaluar në Javën e Modës në New York.

Dhe Rita Ora dhe Ashley Benson vazhduan kohën e tyre së bashku në New York kur dolën së bashku për darkë të hënën në mbrëmje, shkruan DailyMail.

Këngëtarja 30-vjeçare dukej mahnitëse e veshur me një palë pantallona të errëta, ndërsa ylli i “Pretty Little Liars” dukej gjithashtu mjaft tërheqëse.

Rita dukej se udhëhiqte rrugën, ndërsa ishte kapur për dore me Ashleyn gjatë kohës që shoqëroheshin për në restorant.

Artistja shqiptare kishte veshur një kostum të kaltër, me një pjesë rrjete në dekoltenë e saj.

Ashley dukej gjithashtu tërheqëse me një xhaketë lëkure të zezë dhe pantallona lëkure që përputheshin.

Ajo veshi xhaketën e hapur për të zbuluar figurën e saj të zbukuruar me sytjena të zezë.

Aktorja e “The Her Smell” e ngriti shtatin e saj me një palë taka të zeza.

Në fillim të këtij muaji, Rita dhe Ashley u bashkuan me shoqen e tyre Kristen Stewart për të marrë me qira një aeroplan privat nga aeroporti Van Nuys i Los Angeles, për të udhëtuar në New York për fillimin e Javës së Modës atje.

Ashley dhe Rita u panë të dyja së bashku duke marrë pjesë në shfaqjet e modës në Big Apple.

Më pas, Ashley u nis për në Miami për disa ditë, thuhet se do të xhironte një projekt, para se të kthehej në New York.

Ndërkohë Rita kohët e fundit po qëndron me të dashurin e saj, aktorin dhe regjisorin Taika Waititi në Los Angeles. /Telegrafi