Komandanti i FSK-se, Rrahman Rama aktualisht është duke u angazhuar në operacionet që po ndërmerren në Durrës, vend ky që u prek nga tërmeti i së martës.
Në një intervistë për Klan Kosova, Rama tha se janë duke dhënë maksimumin që t’ju dalin në ndihmë të prekurve nga tërmeti.
“Është një gjendje e jashtëzakonshme, tronditëse dhe alarmante. Mirëpo këto janë fatkeqësi natyrore që ndodhin”.
“Çka është shumë me rëndësi që edhe ekipet tona edhe të vendeve partnere janë duke e bërë të pamundurën, për ta bërë më të mirën për ta sanuar këtë gjendje”
Rama tha se me të marrë informacionet lidhur me goditjen e Shqipërisë nga tërmeti, kanë qenë në gjendje gatishmërie dhe do të jenë edhe më tutje.
Ai shtoi se ndjehet i nderuar me angazhimin e gjithë pjesëtarëve të FSK-së.