Në mesnatën e së mërkurës, një incident i armatosur ka ndodhur në fshatin Runik të Skenderajt, ku një person mbeti i vrarë dhe tre të tjerë u plagosën. Ngjarja ka ndodhur brenda një lokali atje, raporton Ekonomia Online.

Viktima është N.L, 39-vjeçar i cili është edhe i biri i pronarit të këtij lokali. E lidhur me ngjarjen u deklarua një dëshmitar, raporton klankosova. Musa Gashi, tregoi se çfarë tmerri përjetuan mysafirët brenda lokalit.

“Kemi qenë 10 deri në 12 persona. Ka pasur muzikë. Një person ka shtënë me kallashnikov dhe ka qenë i veshur me jakne ushtarake:, tha ai.

“Edhe pesë minuta pasi që kanë ndodhur të shtënat nuk kemi lëvizur vendit, nga frika që kemi pasur”, theksoi Gashi.

Ai theksoi se nuk ka pasur ndonjë cak të caktuar dhe sipas tij është qëlluar pa ndonjë cak.