Ministria e Infrastrukturës dhe Transportit njofton se në aksin rrugor Dragash – Restelicë (R113), përkatësisht në fshatin Krushevë, ka ndodhur një rrëshqitje e dheut rreth orës 20:30.

Kompania e mirëmbajtjes është duke punuar në pastrimin e tërësishëm të kësaj zone, përderisa njëra korsi tashmë është lëshuar për qarkullim.

Pjesa e rrugës në të cilën po kryhen punimet është shenjëzuar me sinjalistikë paralajmëruese dhe lusim qytetarët të kenë kujdes gjatë qarkullimit në këtë segment deri në përfundim të pastrimit të tërësishëm të terrenit.