Një rrugë që gjendet rreth 500 metra larg qendrës së qytetit të Klinës është në gjendje të mjerueshme dhe pothuajse e pakalueshme.

Një qytetar ia ka dërguar Insajderit fotografitë e kësaj rruge, duke u ankuar se, sidomos gjatë kohës së dimrit, ajo është e pakalueshme.

Sipas qytetarit, janë disa shtëpi të cilat nuk kanë hyrje-dalje tjetër pos në këtë rrugë. Për më tepër, nga fotot shihet se kjo rrugë është shumë afër rrjedhës së lumit, shtati i të cilit duhet shumë mirë i rregulluar. Madje aty afër shihet edhe shetitorja dhe ulëset për të pushuar.