Rusia dhe Kina kanë shfaqur një front të përbashkët teksa liderët e vendit u takuan në Pekin përpara ceremonisë së hapjes së Lojërave Olimpike Dimërore.

Kina tha se mbështet kërkesat e Rusisë për garanci sigurie nga Perëndimi, pasi të dy vendet i kërkuan NATO-s t’i kthejë shpinën atyre që i quajtën “Rrugës së Luftës së Ftohtë”.

Presidenti rus, Vladimir Putin arriti në Pekin për ceremoninë e hapjes së Lojërave Olimpike Dimërore dhe bisedimet me homologun e tij kinez, Xi Jinping, shkruan News Sky, transmeton Klankosova.tv.

Xi tha se Kina dhe Rusia mbështesin me vendosmëri njëra-tjetrën kur bëhet fjalë për mbrojtjen e interesave kryesore, ndërsa Putin vlerësoi marrëdhëniet e ngushta midis dy vendeve.

Ndryshe, në fjalimet televizive, lideri rus vlerësoi lidhjet e ngushta ekonomike midis dy vendeve, duke theksuar një kontratë të re për të furnizuar Kinën me 10 miliardë metra kub gaz në vit, nga Rusia lindore.