Sulmuesi i krahut të djathtë, Suad Sahiti është lojtari më i ri i Shibenikut të Kroacisë. Futbollisti 26-vjeçar është transferuar si lojtar i lirë, ndërsa ka nënshkruar kontratë deri në verën e vitit 2023.
Ai te skuadra kroate do të bashkohet pas shumë vitesh me vëllain e tij, Emirin, që është i huazuar te Shibeniku.
Suadi dhe Emiri së bashku kanë luajtur te Rabotniçki i Shkupit. Suadi luan si sulmues i krahut të djathtë, ndërsa Emiri në krahun e majtë të sulmit.
Së fundi, Suadi ka qenë pjesë e skuadrës së Bosnjës, Zrinjski Mostar.