Në dhjetorin e vitit 2022 në media qarkulluan lajme se një ndër çiftet më të dashura të publikut shqiptar, Bes Kallaku dhe Xhensila Myrtezaj i kishin dhënë fund lidhjes së tyre por mesa duket çdo gjë mbeti në kuadrin e një thashethemi pasi dyshja vetëm disa muaj më parë janë bërë prindër të një djali, Amen.

Madje në atë kohë, Besi reagoi i revoltuar në lidhje me këto spekulime, duke u shprehur se shqiptarët duhet të rrinin të qetë sepse ata nuk ishin të ndarë.

Ndërkohë ditën e sotme, në media sërish po qarkullojnë lajme se Xhensila dhe Besi kanë një krisje në martesën e tyre dhe shkak për këtë është bërë fakti se Xhensila dhe Besi kanë hequr njëri-tjetrin nga Instagram-i.

Gjithashtu, prej disa kohësh nuk kanë publikuar postime si çift në këtë rrjet social. Madje veprimet që kanë ngritur akoma më shumë dyshimet, është fakti se dyshja ka fshirë thuajse çdo postim në të cilin shfaqeshin së bashku.