Ministri i Tregtisë dhe Industrisë (MTI), Endrit Shala ndonëse ka premtuar përkrahje për prodhimin vendëse ka kërkuar nga prodhuesit kosovarë që të rrisin cilësinë e produkteve në mënyrë që të jenë të konkurrueshëm edhe në tregun ndërkombëtar, raporton Ekonomia Online.

Shala gjatë vizitës biznesin “Plus Centre” në Ferizaj, ka bërë thirrje që të zbatohet ligji i Konsumatorit, i cili ndër të tjera parasheh edhe vendosjen e etiketave karshi produktit  për origjinën e tyre.

“Unë si ministër i Tregtisë do ta rris dinamikën dhe përkushtimin e ministrisë së tregtisë në përkrahjen dhe mbrojtjen e prodhimit vendor”

“Ju e dini që Parlamenti i Kosovës veç se ka miratuar Ligjin për Mbrojtjen e Konsumatorit. Ky ligj parasheh edhe obligative edhe vendosjen e etiketimit të vendosjes së origjinës s produktit për të cilin e përgëzoj Sylën i cili veç se ka filluar të vendos në të gjitha produkte ka vendos edhe etiketimin e origjinës së produkti”.

“Kërkoj edhe nga bizneset tjera që prej datën 29 dhjetor kur edhe hyn ky nen i këtij ligji në fuqi, të gjitha bizneset t`i pajisin produktet e tyre me treguesin e origjinës së këtij produkti. Kërkoj që të rrisin edhe cilësinë  produkteve të tyre që të jenë të konkurueshëm edhe në tregun vendos edhe ndërkombëtar”, tha ai.

Zbatimin e ligjit nga bizneset e kërkoi edhe kryetari i Klubit të Prodhuesve, Astrit Panxha. Ai tha se është e drejtë e konsumatorit që të dijë se prej nga është produkti.

“Përgëzojmë edhe ministrin që e ka shty Ligjin për Mbrojtjen e Konsumatorit. Iu bëjmë apel edhe pikave të tjera që të zbatojnë këtë ligj sepse është e drejtë e konsumatorit të dijë se nga është produkti a është nga Kosova nga vendet e rajonit apo i importuar nga vendete Bashkimit Evropian”.

Kurse Sylejman Neziri, pronar i “Plus Centre” përveç përkrahjes për prodhuesit kërkoi mbështetje edhe për bashkatdhetarët, raporton EO.

“Besoj se edhe qeveria tash e tutje do te ia jep një përkrahje shumë  prodhuesve vendor por edhe bashkatdhetarëve që të vijnë pa hezitim të financojnë në Republikën e Kosovës dhe që rinia jonë të mos ikë nëpër ambasada, por ta forcojmë shtetin tonë siç është më mirë”.