Zëvendëspresidentja amerikane, Kamala Harris ka bërë të ditur se SHBA-ja ka ndarë më shumë se 1.5 miliard dollarë ndihmë pjesërisht për sektorin energjetik të Ukrainës dhe situatën humanitare si rezultat i pushtimit 27-mujor të Ukrainës nga Rusia.

Njoftimi u bë pasi Harris mori pjesë në një samit të paqes në Ukrainë në Luzern, Zvicër, ku ajo do të takoheh me presidentin e Ukrainës, Volodymyr Zelensky.

Shuma prej 1.5 miliard dollarësh përfshin 500 milionë dollarë fonde të reja për ndihmën e energjisë dhe ridrejtimin e 324 milionë dollarëve në fondet e shpallura më parë drejt riparimit emergjent të infrastrukturës energjetike dhe nevojave të tjera në Ukrainë.

US announced the allocation of more than $1,5 billion to strengthen Ukraine's energy sector, address humanitarian needs, and enhance security

This was announced by US Vice-President Kamala Harris at the peace summit. pic.twitter.com/GuTX5fKSA4

— NEXTA (@nexta_tv) June 15, 2024

“Këto përpjekje do të ndihmojnë Ukrainën t’i përgjigjet sulmeve të fundit të Rusisë ndaj infrastrukturës energjetike të Ukrainës duke mbështetur riparimin dhe rimëkëmbjen, duke përmirësuar qëndrueshmërinë e Ukrainës ndaj ndërprerjeve të furnizimit me energji dhe duke hedhur bazat për riparimin dhe zgjerimin e sistemit energjetik të Ukrainës”, tha zyra e Harrisit.

Ajo njoftoi gjithashtu më shumë se 379 milionë dollarë ndihmë humanitare nga Departamenti i Shtetit dhe Agjencia Amerikane për Zhvillim Ndërkombëtar për të ndihmuar refugjatët dhe njerëzit e tjerë të prekur nga lufta.

Paratë janë për të mbuluar ndihmat në ushqim, shërbimet shëndetësore, strehimin dhe shërbimet e ujit, kanalizimeve dhe higjienës për miliona ukrainas.

Harris, e cila do të kalojë më pak se 24 orë në samitin e Luzernit të Zvicrës, do të qëndrojë në vend të presidentit amerikan, Joe Biden. Presidenti sapo të përfundojë pjesëmarrjen në Samitin e G7 në Itali do të kthehet në Shtetet e Bashkuara për të marrë pjesë në një mbledhje fondesh për fushatën presidenciale. /Telegrafi/