Shteti i Teksasit në Shtetet e Bashkuara të Amerikës ka dërguar trupat e Gardës Nacionale në kufi me Meksikën, duke iu përgjigjur kështu kërkesës së presidentit Donald Trump, njofton Klan Kosova.

Një zëdhënës i ushtrisë ka thënë se 250 trupa do të dërgohen për ta patrulluar kufirin në atë pjesë në 72 orët e ardhshme.

Edhe Arizona po planifikon dërgimin e 150 trupave javën e ardhshme.

Trump ka thënë se ai do të dërgojë rreth 4000 trupa në Gardës Nacionale për të siguruar kufirin me Meksikën, derisa të ndërtohet muri.

Shteteve si New Mexico dhe Kalifornia u është kërkuar të marrin veprime të njëjta.