Presidenti i Kosovës, Hashim Thaçi, priti sot në takim shefin e Misionit Vëzhgues të BE-së për zgjedhjet në Kosovë, Alojz Peterle, i cili ia dorëzoi raportin për zgjedhjet në Kosovë, transmeton Ekonomia Online.

Përmes një komunikate për medie, Presidenca ka bërë të ditur se Peterle ka kërkuar që të vazhdohet me reformën elektorale.

“Presidenti Thaçi dhe shefi i Misionit Vëzhgues të BE-së, Alojz Peterle u pajtuan që zgjedhjet në Kosovë ishin të lira, demokratike, duke përmbushur standardet evropiane.

Shefi i Misionit Vëzhgues të BE-së për zgjedhjet në Kosovë, Alojz Peterle ka kërkuar që të vazhdohet me reformën elektorale. Me këtë rast, presidenti Thaçi ka theksuar e brenda spektrit politik në Kosovë ekziston një gatishmëri për të përfunduar reformën elektorale”, thuhet në komunikatë.

Kjo reformë sipas presidentit Thaçi do të forcojë edhe më shumë demokracinë në vend dhe do të modernizojë sistemin elektoral në Kosovë.