Kandidati për kryetar të komunës së Junikut nga LDK-ja, Ruzhdi Shehu mungesa e ndriçimit publik për Junikun vazhdon të mbetet sfidë edhe në vitin 2021.

Shehu ka kritikuar kryetarin e kaluar, duke shtuar se nuk është kujdesur as vetëm për një ndriçim ekektrik.

Tutje, ai shtoi se pas 14 nëntorit do të rregullohet edhe ky problem që po hasin banorët e këtij vendi.

Postimi i plotë:

Të dashur Junikas,

Të bashkangjitur në këtë postim gjeni pamjet nga gjendja aktuale në Qendër të Junikut.

Mungesa e ndriçimit publik për Junikun vazhdon të mbetet sfidë edhe në vitin 2021. Për 12 vite qeverisje, po të ishte vendosur vetëm nga 1 ndriçues publik, ky problem do të ishte harruar sot. Mirëpo as kaq punë simbolike nuk po len pas kryetari në ikje.

Sot kur Juniku është në errësirë, kryetari në ikje nuk merret me gjendjen mjeruese në konakun e tij por po shijon mishin dhe verën e kuqe në konakun e Gllogjanit. Sidoqoftë, pas 14 nëntorit ai do të ketë mjaftueshëm kohë që të kaloj edhe në Gllogjan, pasi që për Junikun vendosin vetëm junikasit të cilët nuk do të tolerojnë më tutje errësirën e 12 viteve të fundit. R.Sh.