Ministrja Mbrojtjes, Radmilla Sheqerinska ka theksuar se 2018-ta do të mbetet e shënuar në histori si vit në të cilin u tejkaluar izolimi i Maqedonisë dhe u hapën dyert për tu bërë anëtare e plotfuqishme e aleancës më të fuqishme ushtarako-politike.

“Ftesa për anëtarësim në NATO është në duart tona, bisedimet aderuese po i realizojmë me sukses, Vendi në tryezën e aleatëve tanimë është I rezervuar. Për here të pare pas 14 viteve sekretari amerikan i mbrojtjes e vizitoi Maqedoninë. Për here të pare pas 6 viteve kishim takime në nivelin më të lartë në Pentagon. Pas më shumë se një dekade, sekretari i përgjithshëm i NATO-s e vizitoi Maqedoninë edhe atë dy here Brenda një viti. Autoritetet kryesore politike në skenën botërore udhëtuan te ne për të na porositur – ju presim, është koha të bëhemi aleatë”, tha Sheqerinska, shkruan Alsat M.