Në Kosovën e pasluftës, “luftat verbale” nuk kanë qenë diç e panjohur, kjo ngase ndër vite reperët janë sharë, ofenduar e linçuar mes vete.

Në Gjilan, ka qenë i famshëm rivaliteti mes E7 dhe Double G Army, të cilët i zgjidhnin hesapet rrugëve.

Por, ngjarja e fundit në Ferizaj, ka tronditur mbarë opinionin publik, kjo sepse 30-vjeçari, Qendrim Januzi (vëllau i reperit Buta), ka vrarë, të ndjerin tashmë, Gazmend Hyseni.

Reagimet ishin të shumta, si nga qytetarët e zakonshëm ashtu edhe nga estrada, të cilët njëzëri ndiejnë keqardhje për atë se çfarë ndodhi në Ferizaj.

Ndërsa, së fundmi ka reaguar edhe rivali i Butës, Mossi, i cili ka përkujtuar Gazmend Hysenin (Strellën), ndonëse nuk ishin njohur asnjëherë më parë.

“Nuk tkom njoft po mdhimet kushdo qe prihet nbes e vrahet pej shokve se shokt jon si familja po njerzt skan familje se din qysh osht po ngushllime familjes tij rrethit e shokve tvertet tina”, ka shkruar Moss Della.

Por, reperi i cili jeton në Belgjikë, nuk është mjaftuar me ngushëllim, kjo sepse i njëjti përveç se ka fyer vëllezërit Januzi (Betimin dhe Qendrimin), ai edhe i ka kërcënuar ata.

“Ju jeni motërq*ra qe mysni shokt e vet pej tute jau q*fsha gjall e dek se osht tu ju ardh dita shum shpejt se burri qe osht burr nuk myt shokun asniher po po vje dita ka mi ju qi familja ma shum se perpara edhe shum shpejt besen e keni“, ka shkruar ai.