Reshjet vdekjeprurëse të shiut kanë shkaktuar rrëshqitje dheu dhe përmbytje në Pekin, të cilat po konsiderohen si më të mëdhatë brenda një dekadë në pjesën veriore të Kinës.

Dy ditë reshje shiu kanë pushtuar shtretërit e lumenjve rreth periferisë perëndimore të kryeqytetit kinez, duke i kthyer rrugët ujore dikur të qeta në përrenj të egër që kanë përfshirë shtëpitë e njerëzve dhe kanë shembur rrugët, sipas një videoje në televizionin shtetëror dhe mediat sociale.

Të paktën 11 persona janë vrarë dhe 27 të tjerë janë raportuar të zhdukur, raportoi transmetuesi shtetëror CCTV, ndërsa më shumë se 127,000 njerëz janë evakuuar nga qyteti, shkruan CNN, transmeton Klan Kosova.

Stuhia është më vdekjeprurësja që ka goditur Pekinin që nga viti 2012, kur përmbytjet vranë 77 njerëz – një numër që autoritetet fillimisht u përpoqën ta mbulonin.