“Shkarkimi i Vjosa Osmanit është korrekt”

Prishtinë | 20 Qer 2020 | 15:06 | Nga Ekonomia Online

I propozuari për këshilltar të Kryetares së Kuvendit, Pal Shtufi ka reaguar pas iniciativës për shkarkimin e Vjosa Osmanit nga posti i nënrkyetares së LDK-së.

Ai e ka cilësuar këtë iniciativë të Isa Mustafës si korrekte, raporton Gazeta Blic.

“Asgjë e keqe nuk është, nëse Vjosa nuk pajtohet me politiken e partisë së saj dhe ndershmërisht të kalojë në LVV, ose të formojë ndonjë subjekt të ri, e jo të bëhet model i trishtë për gjeneraten e re: RRI NË LDK E NDIHMO LVV!”, ka shkruar ai.

Reagimi i plotë:

SHKARKIMI I VJOSA OSMANIT ËSHTË KORREKT

Nëse si shoqëri nuk arrijmë të heqim dorë nga hatri, duke e zëvendësuar atë me parimet dhe normat e demokracisë, dijeni që larg çdo prosperiteti politik dhe social jemi.

Siç e dini, Vjosa Osmani është bë shembulli më i keq i pabesisë politike në Kosovë. Shembujt e panumërt tregojnë se si ajo, duke qenë nënkryetare e LDK-së, vepron, voton dhe lobon gjithëkohën në dëm të LDK-së dhe në të mirë të rivalit të saj politik, LVV.

Asgjë e keqe nuk është, nëse Vjosa nuk pajtohet me politiken e partisë së saj dhe ndershmërisht të kalojë në LVV, ose të formojë ndonjë subjekt të ri, e jo të bëhet model i trishtë për gjeneraten e re: RRI NË LDK E NDIHMO LVV!

Propozimi i Isa Mustafës për shkarkimin e Vjosës si nënkryetare e LDK-së, është korrekt, i bazuar dhe shumë i nevojshem për qartësimin politik të vetë Vjosës si dhe të LDK-së si parti.

Gabimet duhet të ndëshkohen!

PS:
Po të kishte qenë Vjosa në tjetër parti, moti e kish hanger uki…

Të ngjashme