Gjatë ditës së djeshme, vetura që i takon Shërbimit Korrektues të Kosovës, Toyota me targa regjistrimi 3Z-022-05, është fotografuar duke bartur lakra.

Për sqarim, Shërbimi Korrektues i Kosovës në kuadër të programeve rehabilituese ka edhe agrikulturën ku kultivon perime të ndryshme për nevoja të kuzhinave te institucioneve korrektuese.  Vetura në fjalë ka qenë duke bartur lakrat nga Qendra Korrektuese në Smrekonicë për në Qendrën Korrektuese në Lipjan.

Kërkojmë nga mediat që para publikimit të shkrimeve të tilla, të na kontaktojnë për të verifikuar informacionin. Shërbimi Korrektues i Kosovës do të vazhdoj të mbetet i përkushtuar për transparencë të plotë para qytetarëve