Një aeroplan ushtarak është rrëzuar në Filipinet jugore duke vrarë të paktën 45 njerëz, me dhjetëra të tjerë të tërhequr të gjallë nga rrënojat që digjeshin, ngjarja ka ndodhur gjatë ditës sotme.

Vendi i rrëzimit të transportuesit ushtarak Filipinas është në ishullin Jolo, transportuesi po mbante më shumë se 90 vetë, kryesisht trupa ushtarësh, shkruan BBC.

Të vdekurit janë kryesisht personel ushtarak, por tre civilë në tokë u vranë gjithashtu, tha Ministria e Mbrojtjes.

Punëtorët e shpëtimit kërkuan rrënojat e “Lockheed C130 Hercules” pranë disa ndërtesave.

Avioni shpërtheu në flakë kur u rrëzua, duke dërguar një re të madhe të zezë në ajër.

Disa dhjetra njerëz u plagosën dhe pesë janë ende të zhdukur, tha ushtria. Një spital ushtarak aty pranë trajtoi të mbijetuarit.

Aeroplani, i cili zbriti në 11:30 me kohën lokale pak kilometra nga qyteti Jolo, po mbante trupa nga Cagayan de Oro, në ishullin jugor të Mindanao.

Një deklaratë nga forca ushtarake rajonale, Task Forca e Përbashkët Sulu, tha se “një numër ushtarësh u panë duke kërcyer nga avioni përpara se të goditej në tokë, duke i kursyer ata nga shpërthimi i shkaktuar nga rrëzimi”.

Asnjë detaj se si ata arritën të dilnin nga aeroplani ose gjendja e tyre nuk u dha.

Ushtarët ishin midis përforcimeve të dërguara në Filipinet jugore për të luftuar militantët islamikë siç ishte grupi Abu Sayyaf.

Zyrtarët thanë se nuk kishte asnjë shenjë që aeroplani ishte sulmuar dhe një hetim do të fillonte sapo të kishte përfunduar operacioni i shpëtimit.

Shumë prej atyre që ishin në bord kishin përfunduar vetëm kohët e fundit trajnimin bazë ushtarak, raporton AFP.

Avioni fluturoi për herë të parë në 1988, sipas Rrjetit të Sigurisë së Aviacionit.