Tre persona u vranë dhe 15 u plagosën në një shpërthim që ndodhi pranë një terase restoranti veror në qendër të Moskës të shtunën në mbrëmje, tha policia e kryeqytetit rus.

Shpërthimi ndodhi rreth orës 20:00 sipas orës lokale pranë një terase verore të vendosur në katin përdhes të njërit prej shtatë rrokaqiejve të epokës së Stalinit në Sheshin Kudrinksaya të Moskës, tha policia.

Të plagosurit kishin marrë plagë me shkallë të ndryshme, tha ajo.

Hetuesit dhe shërbimet e emergjencës po punonin në vendngjarje.

Televizioni shtetëror rus sugjeroi se shpërthimi mund të jetë shkaktuar nga shpërthimi i një bombole gazi. Reuters nuk mundi ta konfirmonte këtë.