Një person është lënduar rëndë në Prizren pas një shpërthimi në një pikë shitjeje të mjeteve piroteknike, në rrugën “Ahmet Prishtina”.

Ngjarja ka ndodhur sot, rreth orës 21:33, dhe viktima është dërguar në Qendrën Klinike Universitare të Kosovës (QKUK).

Zëdhënësi i Policisë, Vesel Gashi, për Ekonomia Online e konfirmoi se zjarrëfikësit ishin në vendin e ngjarjes dhe se prokurori kujdestar është njoftuar për rastin.

“Sonte rreth orës 21:33, është raportuar se në rrugën “Ahmet Prishtina”, ka ndodhur një shpërthim zjarri nga ndezja e një pikështijte piroteknike,  Si pasojë është përhapur zjarri në lokalet e ndërtesave dhe pikëshitjeve të tjera trotuareve, ku në këtë rast kemi një person të lënduar, i njëjti është dërguar në emergjencë të Spitalit Rajonal, është në gjendje të rëndë, duke  pasur parasysh plagëte tij,  i njëjti do të dërgohet në QKUK. Në vendin e ngjarjes kanë dalë organet relevante, përfshirë zjarrëfikësit. Në lidhje me këtë rast është njoftuar edhe prokurori i shtetit”, ka thënë Gashi.