Një shpërthim ka vrarë të paktën tetë persona dhe ka plagosur 18 të tjerë gjatë lutjeve të së premtes brenda një xhamie në qytetin sirian të Homsit, tha ministria e shëndetësisë.

Zyrtarët besojnë se një eksploziv ka shpërthyer brenda ndërtesës, raporton Sana, duke cituar një burim sigurie. Ndërsa autoritetet janë ende në kërkim të autorëve, grupi xhihadist Saraya Ansar al-Sunnah ka marrë përgjegjësinë.

Xhamia ndodhet në lagjen Wadi al-Dhahab, ku shumica e njerëzve janë pjesë e grupit etnofetar alavit, raporton BBC, transmeton Klankosova.tv.

Ministria e Jashtme e Sirisë dënoi rastin duke shkruar në një deklaratë në X se “akti frikacak është një sulm i hapur ndaj vlerave njerëzore dhe morale” i projektuar për të “minuar sigurinë dhe stabilitetin” e vendit.