Mëngjesin e 28 nëntorit disa paragllajdistë, me flamurin kuq e zi, fluturuan mbi Kompleksin Memorial “Adem Jashari” në Prekaz.

Këto momente të jashtëzakonshme i kapi fotografi Sefer Aliqkaj.

“Qielli kuq e zi sot mbi Prekazin Legjendar”, ka shkruar ai në llogarinë e tij në Facebook.

Fotografitë e Aliqkajt u shpërndanë edhe nga kryetari i Skënderajt dhe djali i Hamëz Jasharit, Bekim Jashari.

“Pamje e jashtëzakonshme dhe madhështore nga fluturimi i paragllajdistëve mbi Kompleksin Memorial “Adem Jashari” në Prekaz. Lavdi dëshmorëve të Lirisë!”, ka shkruar ai.

Në Prekaz, gjatë ditës së sotme, kanë bërë homazhe udhëheqësit politikë dhe shumë qytetarë.

Fotografitë e Sefer Aliqkajt mund t’i shihni më poshtë: