Për vite të tëra, gratë që perjetonin shqetësime të ndryshme si, pagjumësi dhe luhatje humori gjatë moshës së mesme, shpesh nuk pranoheshin nga mjekët me justifikimin se i imagjinonin simptomat e tyre. Por studimet e reja na konfirmojnë se këto janë ndryshime reale që truri pëson gjatë periudhës së menopauzës.

Studimet e bëra me gratë para, gjatë dhe pas menopauzes tregojnë ndryshime të rendësishme në strukturën e trurit, lidhjen dhe metabolizmin e energjisë. Këto ndryshime janë të dukshme në skaner dhe ndjehen nga shumë gra, thotë neuroshkencëtarja Lisa Mosconi, autore e “Trurit të menopauzës”.

“Menopauza ndikon ne tru. Ne nuk jemi të çmendura. Nuk po luajmë nga mendtë.”: Shprehet Mosconi, profesoreshë e asociuar në Weill Cornell Medicine.

Hulumtimi i Mosconit zbulon se vëllimi i lëndës gri zvogelohet ne zonat përgjegjëse për vëmendjen, përqëndrimin, gjuhën dhe kujtesen.

Për më tepër, aftësia e trurit për të metabolizuar glukozën bie, gjë që mund të shpjegojë simptomat e zakonshme të menopauzës.

Për fat të mirë, këto simptoma janë shpesh të përkohshme. Shumica e grave zbulojnë se simptomat e tyre përmirësohen ose zhduken pas menopauzës, duke shpjeguar se “truri po pershtatet me biologjinë e tij te re”.

Këto përshtatje i lejojne grate të jetojnë një pjesë të konsiderueshme të jetës së tyre pas menopauzës.

Roli i estrogjenit në tru

Estrogjeni rregullon sjelljen, funksionin konjitiv dhe shëndetin neuronal. Gjatë menopauzes, nivelet e estrogjenit bien ndjeshëm, duke prekur rajone të ndryshme të trurit:

• Hipotalamus: Rregullon temperaturën e trupit, duke çuar në afshe të nxehta.
• Hipokampus: rendesishem per te mesuarit dhe kujtesen, duke ndikuar ne njohjen.
• Amigdala: Ndikon në pergjigjet emocionale.
• Trungu i trurit: Regullon ciklet gjumë-zgjim.

Evolucioni i trurit të grave

Truri i grave ndryshon gjatë pubertetit, shtatzanisë dhe menopauzës. Neuronet dikur thelbësore për menstruacionet dhe shtatzaninë nuk janë më të nevojshme, duke çuar në një “rinovim”, thote Mosconi.

Ndërsa është e paqartë nëse këto ndryshime mund të parandalohen, ndalohen ose kthehen, disa duket se janë te perkohshme. Studimet tregojne se aktiviteti i trurit stabilizohet dhe vellimi i lëndes gri mund të rikthehet pas menopauzës. Nevojiten më shumë kërkime për të kuptuar më mirë këto ndryshime.

Menaxhimi i simptomave të menopauzës

Një kombinim i nje stili jetese të shëndetshëm dhe ndërhyrjeve farmaceutike mund të lehtësojnë kalimin në menopauzë. Perveç mjekimeve, një dietë e shëndetshme, stërvitje e rregullt dhe gjumë i mirë mund të ndihmojnë në një menopauzë më të qetë./EkonomiaOnline/