Përhapja e koronavirusit (COVID-19), karantinimi, distanca sociale, lajme pa fund, të gjithë këto po shkaktojnë frikë dhe ankth tek të rriturit dhe fëmijët.

Njerëz të ndryshëm reagojnë ndryshe ndaj situatave stresuese.

Grupet që janë edhe më të rrezikuar ndaj këtyre gjendjeve stresuese janë:

• Të moshuarit dhe njerëzit që vuajnë nga sëmundje kronike
• Fëmijët dhe adoleshentët
• Njerëzit që janë në front të parë të përballjes me koronavirusin, si mjekët, profesionistet e shëndetit
• Personat me probleme të shëndetit mendor, si dhe ata që përdorin substanca të jashtëligjshme

Stresi gjatë epidemisë mund të shkaktojë:

• Frikë dhe shqetësim për shëndetin vetjak dhe të personave të dashur
• Probleme me gjumin ose me ngrënien
• Vështirësi në përqendrim
• Përkeqësim të problemeve shëndetësore kronike
• Abuzim me alkoolin, duhanin ose lloje të tjera të substancave të jashtëligjshme

Si të mbroni shëndetin tuaj mendor?

Mos lexoni, shikoni apo dëgjoni gjatë gjithë kohës lajme për koronavirusin.

Kujdesuni për trupin. Bëni frymëmarrje të thella, meditoni, bëni joga.

Përpuqni të ushqehuni shëndetshëm, hani vakte të mirë-balancuar, ushtrohuni rregullisht, flini dhe shmangni alkoolin dhe duhanin.

Qëndroni në kontakt me njerëzit. Flisni me njerëzit të cilëve ju besoni për shqetësimet dhe frikërat, si dhe edhe për gjëra të mira.

Përpiquni të jenë produktivë. Lexoni. Gatuani. Kërceni. Bëni ato aktivitete që ju argëtojnë dhe ju kthejnë humorin. (Burimi: Centers for Disease Control and Prevention)