Sëmundja e aparatit urinar është një sëmundje serioze e cila karakterizohet me pajisjen e glomerulave dhe prishjen në shkallë të ndryshme të funksionit të veshkave.

Prek më tepër moshat fëminore, nga mosha 3-10 vjeç. Meshkujt janë më të rrezikuar se femrat. Në zhvillimin e sëmundjes rol të padiskutueshëm luan edhe faktori i alergjisë.

Zakonisht sëmundja fillon 10-15 ditë, pas kalimit të një katari të rrugëve të sipërme të frymëmarrjes, të një gripi apo të një sëmundjeje me temperaturë të lartë. Kjo sëmundje ka dhimbje beli dhe pakësim të urinës.

Sëmundja fillon përnjëherësh ose gradualisht. Ka ngritje të tensionit arterial, marrje mendsh, dhimbje koke, zhurmë në vesh. Urina është me gjak, i cili mund të duket me sy ose gjatë analizave. Në analizë vërehen albumin me sasi të mëdha, pakësim të rruazave të bardha dhe pakësim të sasisë së urinës.

Në veshka shkaktohen shumë sëmundje të ndryshme, formohen disa lloje gurësh: gurë fosfatikë, gurë oksolikë, gurë urate, gurë kalciumi. Ata formohen në veshka, uretër, uroter, fshikëz të urinës etj.

Ka plot metoda për thërmimin e disa gurëve të butë dhe të mesëm. Lejohet të përdorni vezë, mish të kafshëve të mëdha, djathë i bardhë, patate, oriz, barishte, fruta etj.

Ndalohet kafeja, kakao, çokollata, duhani dhe alkooli.

Kur i sëmuri ka probleme me veshkat duhet patjetër të paraqitet te mjeku kompetent, te urologu. Duhet që pacienti patjetër t’u shmanget përdorimit të kriprave që janë bërë shkak për gurët në veshka. Kjo vërtetohet nga analizat kimike nga gurët e nxjerrë.

Kura popullore

Për tretjen e gurëve në veshka merrni 40 copë maja manaferrash me gjatësi deri 20 cm, 40 kokrra dëllinje të thërrmuara, 40 maja hithri dhe 1 dorë qime misri. I ziejmë në 3 litra ujë derisa të mbetet 1 litër e gjysmë. Kullohet dhe pihet çdo mëngjes esëll, nga 100 gr.

Merrni 10 lugë gjelle me kashtë Tërshëre të grirë imët. Hidheni në 1 litër ujë dhe ziejeni për 3 min. ena lihet e mbuluar derisa të ftohet. Pasi të kullohet, pihet 1 filxhan çaj disa herë në ditë. Kjo shërben për infeksionin e veshkave.

Ziejmë majdanoz dhe lëngun e tij e pijmë nga 2 gota uji me çaj para buke. Kjo kurë përdoret për 1 muaj rresht.

Merrni 1 dorë me fara bostani (pjepër). Shtypini dhe copëtoji, pastaj ziejeni në 1 litër ujë për 20-25 min. Pasi kullohen, pini 2 gota në ditë, në mëngjes esëll dhe në darkë vonë.

Edhe dardha ka një efekt të madh në rastet e pezmatimit të veshkave nga gurët në rrugët urinare. Merrni 15-30 gr gjethe në 50 gr ujë. Ziejeni për 10-15 min dhe pini 3 herë nga 1 gotë para buke.

Merrni 50 lëvozhga veze. Pasi lahen dhe pastrohen, thahen në diell. Pastaj kavardisen në një tenxhere me zjarr, derisa të marrin ngjyrë kafeje. Bluhet me mulli kafeje dhe me pluhurin që del pihet 1 lugë kafeje me 1 gotë ujë me sheqer ose me 1 filxhan çaji çdo ditë esëll në mëngjes për 1 muaj rresht.

Një metodë kanadeze është me gjethet e njoma të rrushit (hardhisë) ose gjethet e domates. Merrni 1 grusht me gjethe të njoma dhe i zieni në 1 litër e gjysmë për 20 min. pasi kullohen, pini 3 herë nga 1 gotë para buke dhe pa sheqer.