Pjesa më e madhe e kohës sonë gjatë javës kalon në punë, ku shpesh mund të krijohet një mjedis stresues. Marrëdhëniet pozitive me kolegët mund të ndihmojnë që puna t’ju duket një vend më i pëlqyeshëm.

Puna juaj mund të jetë më e dobishme dhe më pak stresuese me marrëdhënie të mira me kolegët. Disa nga mënyrat për ta arritur këtë përfshijnë të paturit e një komunikimi të hapur, duke vendosur kufij të qartë në marrëdhëniet tuaja, dhe duke u siguruar që të bëni pushime të herëpashershme gjatë ditës.

Është e rëndësishme që të gjithë të ndihen rehat me dinamikën e komunikimit në vendin e punës. Të gjithë punëtorët duhet të jenë në gjendje të shprehin mendimet dhe ndjenjat e tyre dhe të ndjehen të sigurtë kur e bëjnë këtë.

Është shumë e rëndësishme që të mos jemi gjykues dhe konfrontues kur flasim me kolegët. Kjo do të krijojë një mjedis ku të punësuarit inkurajohen të bisedojnë me njëri-tjetrin në lidhje me çdo çështje që del në mënyrë që ato të mund të trajtohen shpejt dhe me efikasitet, pa u ndjerë askush keq. Kjo gjithashtu do të pakësojë thashethemet në vendin e punës, pasi punonjësit do të priren të diskutojnë çështjet, kur ato ndodhin në vend që të ankohen ose të bëjnë thashetheme për të tjerët.

Në komunikim e rëndësishme është edhe të dëgjojmë kur të tjerët flasin, të shmangim shpërqendrimet, të mos ndërpresim dhe të ruajmë kontaktin me sy.

Miqësia me kolegët tuaj dhe kalimi i kohës së bashku edhe jashtë punës gjithashtu mund të ndihmojë në përmirësimin e marrëdhënieve në punë dhe mund të ndikojë në rritjen e produktivitetit. Me rëndësi është edhe vendosja e kufijve mes bisedave rreth punës dhe bisedave miqësore, në mënyrë që asnjëra mos ndikojë tjetrën për keq.

Një tjetër mënyrë për të përmirësuar marrëdhëniet tuaja në punë është të ndani kohë për t’u njohur me njëri-tjetrin, duke shkuar në dreka së bashku dhe duke bëre pushime të shkurtra për të pirë një kafe/çaj. Në mjedisin e sotëm fokusi është tek sasia e punës, është e rëndësishme që të ndani kohë për të pushuar dhe për të rimarrë energji të reja.