Sot tërhiqet shorti për zgjedhje në komunat në veri të Kosovës

Sot, me fillim në orën 09:00, Komisioni Qendror i Zgjedhjeve do të bëjë tërheqjen e shortit për renditjen e kandidatëve dhe subjekteve politike për dy proceset zgjedhore në katër komunat e veriut të Kosovës, të cilat do të mbahen më 18 dhe 26 dhjetor 2022.

Lajmi bëhet i ditur nga Zëdhënësi i KQZ-së, Valmir Elezi.

“Komisioni Qendror i Zgjedhjeve organizon tërheqjen e shortit për renditjen e subjekteve politike në fletëvotimin e zgjedhjeve të jashtëzakonshme të 18 dhjetorit për kryetar të katër komunave: Mitrovicë e Veriut, Zveçan, Zubin Potok dhe Leposaviq, si dhe për zgjedhjet e parakohshme të 25 dhjetorit për Kuvendin Komunal të Zveçanit dhe Leposaviqit”, ka njoftuar Elezi.