Menaxheri i Anglisë, Gareth Southgate pranon që rikthimi i Jadon Sanchos në Ligën Premier do të paraqiste ‘mundësi të ndryshme’ për sulmuesin.

Ylli i Borussia Dortmund është lidhur fort me interesimin nga Manchester Unitedi dhe Chelsea, por çdo transferim pritet të kushtojë mbi 100 milionë euro.

Forma e mirë e Sancho në Bundesliga ka vazhduar këtë sezon, pasi ai ka shënuar 17 gola dhe ka kontribuar me 17 asistime nga vetëm 29 paraqitje në ligë.

I pyetur për të ardhmen e Sanchos, Southgate beson se sulmuesi është në një pozitë të mirë për t’u përmirësuar çfarëdo që të bëjë, duke theksuar se një rikthim në Angli mund të jetë një sfidë e dobishme.

“Nga një këndvështrim personal, për Anglinë, cilado rrugë të hapet është pozitive”, ka thënë fillimisht Southgate nga Sky Sports .

“Ai do të luajë në Dortmund, ai është i kujdesur mirë nga stafi dhe ata japin mesazhet e duhura. Nuk ka ndonjë dobësi për ne nëse ai qëndron me Dortmund por nëse e shohim atë në Ligën Premier, sjell mundësi të ndryshme”.

“Gjëja më e rëndësishme është që ai vazhdon të luajë rregullisht, në moshën e tij që është kyç për të mësuar dhe përmirësuar”.

“Çështja kryesore është që ai duhet të luajë futboll. Bukuria e tij që luan në Dortmund është që ai ka luajtur rregullisht dhe ai ka luajtur në një ekip që pritet të arrijë një nivel të caktuar”.

“Futbolli i Ligës së Kampionëve është një tjetër bonus dhe që duhet të jetë duke sfiduar Bayern Munich gjatë gjithë rrugës”.

“Liga Premier do t’i ofrojë atij një sfidë tjetër. Thellësia e ligës është pak më e fortë – për sa i përket cilësisë”, përfundoi trajneri i Anglisë.

Ndryshe, Sancho deri më tani ka bërë 11 paraqitje për kombëtaren e Anglisë, duke shënuar dy herë dhe duke kontribuar me katër asistime.