Casillas e pranon se do të donte të kthehej te Real Madridi

Prishtinë | 08 Pri 2020 | 12:04 | Nga Ekonomia Online

Legjenda spanjolle, Iker Casillas pranon se do të donte të kthehej te Real Madridi në një rol tjetër.

38-vjeçari aktualisht po kandidon për presidencën e Federatës Spanjolle të Futbollit (RFEF), ku do të dalë kundër kryetarit aktual, Luis Rubiales.

Por, Casillas do të dëshironte të kthehej në ish-klubin e tij në një moment në të ardhmen.

“Kthimi te Real Madrid në një rol tjetër? Sigurisht që do të doja të kthehesha”, ka thënë fillimisht Casillas për mediat spanjolle.

“Është shtëpia ime, edhe pse kam qenë larg prej pesë vitesh”.

“Unë isha aty për 25 vjet; lidhja është e dukshme”.

“Jam i bindur që një ditë do të kem përsëri një lidhje të ngushtë me Real Madridin”, përfundoi portieri legjendar. 

Të ngjashme