Studentë dhe profesorë të Fakultetit Arkitekturë dhe Planifikim Hapësinor në UBT po qëndrojnë në Universitetin e Shkencave të Aplikuara në Lubeck të Gjermanisë.

Si vazhdimësi e bashkëpunimit në mes UBT-së dhe TH Lubeck, studentët: Guri Berisha, Lend Sylejmani dhe Lisa Shaqiri, të shoqëruar nga profesorët: Dr. Lulzim Beqiri, Dr. Arbër Sadiku dhe Dr. Bekim Ceko, janë duke punuar në kuadër të projektit si studio e përbashkët, në të cilën trajtojnë hapësirat publike të Prishtinës.

Ky projekt synon shkëmbimin e përvojave akademike të mësimdhënësve dhe studentëve për temat unike që trajtohen në këtë studio.

Realizimi i këtij mobiliteti është përcjellë me aktivitete të punëtorive dhe prezantimeve.